KAFEDRA TARIXI VA ASOSIY FAOLIYATI

O‘zbekiston Respublikasi Oliy va o‘rta maxsus ta’lim vazirligi tomonidan 2022 - yilda tasdiqlangan “Urganch davlat pedagogika instituti tashkiliy tuzilmasi” va 2022-yil 6-sentabrdagi institut Kengashi qaroriga muvofiq “Pedagogika, boshlang‘ich va maktabgacha ta’lim metodikasi” kafedrasi tashkil etilgan. 

2023-2024 o‘quv yilidan kafedra nomi “Pedagogika” deb nomlandi. Hozirgi kunda kafedraga pedagogika fanlari falsafa doktori, dotsent Nafasov Doniyor Shernafasovich rahbarlik qilmoqda.

 Kafedraning asosiy maqsadi: Davlat va jamiyatning oliy ta’lim oldiga qo’ygan vazifalarini amalga oshirish, dunyo ta’limining innovatsion axborot va pedagogik texnologiyalaridan samarali foydalangan holda xalq ta’limi tizimiga pedagogika sohasi bo‘yicha malakali mutaxassislarni tayyorlab yetkazib berish, o‘qitishning interaktiv metodlaridan samarali foydalangan holda o’quv-didaktik ta’minot, yangi avlod darsliklarini yaratish, inklyuziv ta’limni rivojlantirish mexanizmlarini takomillashtirish, fan sohasida ilmiy tadqiqotlarni jadallashtirish, xalqaro hankorlik doirasida ilg‘or xorijiy tajribalardan foydalanib, yuqori malakali xorijiy mutaxassislarni ta’lim jarayonlariga jalb qilingan holda kadrlar tayyorlash tizimini takomillashtirish, yuqori malakali mutaxassislarni, iqtidorli talabalarni tarbiyalashdan iborat.

Kafedraning asosiy vazifalari:

1. 60110100 – Pedagogika (qo‘shimcha tarbiya fani o‘qituvchisi) ta’lim yo‘nalishi bo‘yicha:

- umumiy o‘rta ta’lim maktab o‘qituvchisi kasb standartiga muvofiq umumiy o‘rta ta’limda tarbiya fani o‘qituvchisi;

- o‘rta maxsus va professional ta’limda pedagogika fani o‘qituvchisi;

- ta’limni amalga oshiruvchi vazirliklar, uning tarmoq boshqarmalari va muassasalarida metodist;

- umumiy o‘rta ta’lim maktabi direktori kasb standartiga muvofiq ta’lim muassasasini boshqaruvchisi;

- umumiy o‘rta ta’lim maktabi, professional ta’lim muassasalari, oliy ta’limda laborant, kabinet mudiri kabi faoliyat bilan shug’ullanuvchi bakalavrlarni tayyorlash.

2.70110101-“Pedagogika nazariyasi va tarixi” mutaxassisligi bo‘yicha:

• barcha ta’lim muassasalarida mutaxassislikka oid fanlarni o‘qitish, ilmiy-tadqiqot ishlari bilan shug’ullanish, mos ta’lim yo‘nalishlari bo‘yicha ta’limni amalga oshiruvchi vazirliklar, uning tarmoq boshqarmalari va muassasalarida jarayonni loyihalashtirish va boshqarish kabi kompleks masalalar bilan shug’ullanuvchimagistrlar tayyorlashdan iborat.

Kafedrada o‘qitiladigan fanlar:

60110100-  Pedagogika (qo‘shimcha tarbiya fani o‘qituvchisi) bakalavr ta’lim yo‘nalishida: Umumiy pedagogika, Pedagogika nazariyasi va tarixi, Xalq pedagogikasi, Yunogogika, Inklyuziv ta’lim.Gospital pedagogika, Ijtimoiy pedagogika, Oila pedagogikassi, Pedagogik mahurat, kreativ pedagogika, Tarbiya fanini o’qitish metodikasi, Pedagogik mahorat.

70110101 - “Pedagogika nazariyasi va tarixi” magistratura mutaxassisliklarida: Kasbiy ma’naviyat, Tadqiqiy pedagogika, Pedagogik deontologiya, Pedagogik takt va etika, Pedagogik aksiologiya, Komparativistik pedagogika, Pedagogik fikrlar tarixi, Pedagogik diagnostika va korreksiya