Urganch davlat pedagogika institutida "Ma'rifat ulashib" loyihasi doirasida el ardog'idagi, mashhur ijodkorlar bilan uchrashuvlar davom qilmoqda. Joriy yilning 24-aprel kuni, O'zbekiston Yozuvchilar uyushmasi a'zosi, “Xorazm zarqalami” tanlovining “Yilning eng yaxshi badiiy tarjima namunasi” nominatsiyasi hamda “Yilning eng yaxshi shoiri” nominatsiyasi sovrindori, 2013-yil va 2019-yillarda “Eng ulugʻ, eng aziz” respublika tanlovi viloyat bosqichi g'olibi Boltaboy Bekmatov bilan uchrashuv bo'lib o'tdi.
Shoir institut jamoasi tomonidan iliq kutib olindi. Tashrif davomida iqtidorli talaba-yoshlarning ijodiy ishlar ko'rgazmasi bilan yaqindan tanishdi va ular bilan samimiy suhbatlashdi. Shundan so'ng ijodkor va professor-o'qituvchilar, talabalar ishtirokida uchrashuv bo'lib o'tdi.